«Қайрат» футзалдан Чемпиондар лигасының ширек финалында «Картахенаға» жол берді
Алматылық «Қайрат» футзал клубы Чемпиондар лигасының ширек финалындағы жауапты матчта Испанияның «Картахена» командасына есе жіберді, деп хабарлайды Pin-UpSport.kz. Испанияның Картахена қаласында өткен кездесу 7:4 есебімен алаң иелерінің пайдасына аяқталды. Екі матчтың қорытындысы бойынша испан клубы 9:5 есебімен жеңіске жетіп, турнирдің жартылай финалына өтті.
Кездесу Картахена қаласындағы Palacio de los Deportes de Cartagena аренасында өтті. Ойынды халықаралық төрешілер бригадасы басқарды. Бас төреші қызметін Чехия өкілі Онджей Черны атқарды, ал оған швейцариялық төрешілер Даниэл Маткович пен Давид Шерли көмектесті. «Қайраттың» бас бапкері Даниэль Жуниор матчқа келесі құрамды шығарды: Вандесон Силва, Эдсон, Біржан Оразов, Даурен Тұрсағұлов, Жулио Занотто, Жоао Пауло, Жомарт Тоқаев, Жахангир Рашит, Лукас Отанья, Атирсон Оливейра, Угу Невеш, Рафао және Игор Кариока.
Матчтың алғашқы минуттарынан бастап испан командасы шабуылды жиілетті. Пабло Рамирес үшінші және тоғызыншы минуттарда екі гол соғып, командасын алға шығарды. Сонымен қатар Мотта да гол авторы атанды. Екінші таймда алаң иелері басымдығын жалғастырып, Осаманмуса мен Валтиньо да нәтижелі соққыларымен көзге түсті. Мотта тағы бір рет гол соқты. «Қайрат» сапында Даурен Тұрсағұлов екі мәрте мергендік танытса, Эдсон мен Угу Невеш те қарсылас қақпасынан саңылау тапты. Матчтың соңғы бөлігінде алматылық клуб ойыншысы Атирсон Оливейра алаңнан қуылып, команда азшылықта қалды.
Осылайша екі кездесудің қорытындысы бойынша «Қайрат» Чемпиондар лигасының биылғы маусымындағы жарысты ширек финалда аяқтады. Ал «Картахена» клубы жартылай финалға жолдама алып, турнирдегі күресін жалғастырады.
Айбар Рысдаулет
«Семей» футзалдан Чемпиондар лигасының ширек финалында «Этуальға» жол берді
«Интер Майами» иесі Лионель Мессидің жылдық жалақысын атады