«Қайрат» Дастан Сәтпаевтың жарақатына қатысты мәлімдеме жасады
Фото: КФФ
Алматылық «Қайрат» командасының ардагері Құралбек Ордабаев Дастан Сәтпаевтың жарақатына байланысты түсініктеме беріп, оның ұлттық құраманың алдағы ойындарына қатыса алмайтынын айтты, деп хабарлайды Pin-UpSport.kz.
«Соңғы матч алдында Дастан аздап ауырсыну сезінген, бірақ ол туралы ешкімге айтпады. Командаға көмектескісі келді. Ойынның бәрін өткізді, тіпті гол да соқты. Алайда матчтан кейін ауырсыну күшейіп, медициналық тексерістен өтті. Нәтижесінде сол жақ жамбас бұлшық етінде шамамен төрт сантиметрлік ісіну, созылу және микрожарақаттар анықталды. Дәрігерлер оған клубта оңалту курсын өтуге кеңес берді. Бұл туралы құраманың медицина бөліміне ресми түрде хабарланды», — деді Ордабаев.
Оның айтуынша, «Қайрат» ойыншылары үшін ұлттық құрамадан бас тарту ешқашан сөз болмаған: «Біздің жігіттер әрқашан ел намысын қорғауды мәртебе санайды. Ең бастысы — Дастан толық сауығып, жаңа күшпен алаңға оралуы. Ол әлі де клубқа да, құрамға да көп көмектеседі».
