«Қайрат» бразилиялық жаңа шабуылшысын таныстырды

Алматылық «Қайрат» чехиялық «Виктория» (Пльзень) клубының шабуылшысы Рикардиньоны бір жылға жалға алды, деп хабарлайды Pin-Upsport.kz.

24 жастағы бразилиялық футболшы орталық шабуылшы мен қанатта ойнай алады.

Рикардо Виана Фильо – Сан-Паулу штатының тумасы. Ол футболдағы алғашқы қадамдарын жергілікті клубтың академиясында жасаған. Кейін «Гремио», «Атлетико Гоияниенсе», «Маритиму» және Болгарияның «Левски» клубтарында ойнады. Соңғысында 56 матчта 20 гол соғып, 8 нәтижелі пас берген.

2024 жылы «Викториямен» келісімшартқа отырып, УЕФА Еуропа лигасының топтық кезеңінде алаңға шықты. 2025 жылдың алғашқы бөлігін Израильдің «Маккаби» (Хайфа) клубында жалға өткізіп, 11 кездесуде 1 голмен көзге түсті.