«Ордабасыдағы» күмәнді келісімшарттар тергеліп жатыр
Фото: ФК Ордабасы
«Ордабасы» клубы 2023–2024 жылдары 18 ойыншымен 2,3 миллиард теңгеден астам сомаға келісімшарт жасасқан, деп хабарлайды Pin-Upsport.kz.
Оның 1,9 миллиарды шетелдік легионерлерге бір маусымда төленген.
Бұл туралы қалалық прокуратура мәлімдеді Ведомство тексеріс барысында бонус төлемдерінің заңсыз тағайындалғанын анықтап, қылмыстық іс қозғаған. Тергеу барысында бюджет қаражаты мен демеушілік қаржының мақсатсыз жұмсалғаны дәлелденсе, жауапты тұлғалар қылмыстық жауапкершілікке тартылуы мүмкін.
Оқиға Шымкент әкімі Ғабит Сыздықбековтің клубтың қаржылық жағдайы туралы мәлімдемесінен кейін қоғамда үлкен резонанс тудырды. Әсіресе Асхат Тағыбергеннің ай сайынғы 20 миллион теңге көлеміндегі жалақысы қызу талқыланды. Кейін оның «Ордабасы» клубымен келісімшарты өзара келісім негізінде бұзылды.
Қалалық спорт басқармасының бұрынғы басшысы Маратбек Мықтыбеков келісімшарттар ФИФА қорғауында болғанын айтты. Оның айтуынша, футболшыларға қатысты барлық бонус мәселесін Федерация жеке реттеген.
