Нұрғожай мен Сатыбалдиев Шанхайда ресми салмақ өлшеуден өтті
Фото: Zuffa LLC
Қазақстандық файтер Дияр Нұрғожай UFC-дегі екінші жекпе-жегіне дейінгі ресми салмақ өлшеуден сәтті өтті, деп хабарлайды Pin-UpSport.kz.
Шанхайда өткен рәсімде ол 92,98 келіні тіркеді. Қарсыласы, қырғызстандық Уран Сатыбалдиев, 92,53 келі көрсетті. Екі спортшы да жартылай ауыр салмақ лимитіне толық сәйкес келді.
Нұрғожай мен Сатыбалдиев арасындағы айқас UFC Fight Night турнирінің ашылу жекпе-жегі болады. Жарыс 23 тамыз күні өтеді және астана уақытымен сағат 12:00-де басталады.
Айта кетейік, Дияр Нұрғожай UFC-дегі алғашқы жекпе-жегін наурыз айында өткізіп, бразилиялық Брендсон Рибейродан екінші раундта жеңілген. Сол кезде ол екі келі артық салмақ қосып, қаламақысынан 25 пайыз айыппұл салынған еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
