Ламин Ямаль үшін рекордтық ұсыныс: «Манчестер Сити» 275 млн еуро төлеуге дайын
Ламин Ямаль. Фото: UEFA via Getty Images
«Барселона» мен Испания құрамасының 16 жастағы жартылай қорғаушысы Ламин Ямаль ағылшын Премьер-лигасына ауысуы мүмкін. Barca Universal таратқан мәліметке сәйкес, «Манчестер Сити» жас жұлдыз үшін каталондық клубқа 275 миллион еуро көлемінде ұсыныс жасаған.
Егер бұл трансфер жүзеге асса, Ямаль әлем футбол тарихындағы ең қымбат ойыншы атануы ықтимал. Бұған дейін мұндай сома ешбір ойыншыға төленбеген.
Биылғы маусымда Ламин Ямаль «Барселона» сапында 43 матч өткізіп, 14 гол соғып, 21 нәтижелі пас берген. Қазіргі келісімшарты 2027 жылдың жазына дейін жарамды.
Transfermarkt порталы Ямальдың нарықтағы құнын 180 миллион еуро деп бағалап отыр. Алайда «Сити» ұсынған сома бұл көрсеткіштен әлдеқайда жоғары, бұл клубтың жұлдызды жас футболшыға қаншалықты қызығушылық танытып отырғанын көрсетеді.
