«Кортрейкпен» нақты ұсыныс болмады – Жумаханов Еуропаға әлі де кеткісі келетінін айтты
Адильбек Жумаханов. Фото: SNS Group via Getty Images
Қазақстан құрамасы мен «Елімай» клубының қорғаушысы Әділбек Жұмаханов бұған дейін Бельгиядан қызығушылық болғанын, бірақ нақты келісім болмағанын айтты. Бұл туралы ол SPORT+ сайтына берген сұхбатында бөлісті.
— Ол кезде «Атыраудың» басшысы болған Әлішер Апсалямов маған Бельгияның «Кортрейк» клубы қызығушылық танытқанын жеткізді. Бірақ ол жай ғана қызығушылық еді, нақты келісімшарт ұсынылған жоқ. Сол кезде бүкіл Қазақстан шулап кеткені есімде, — деді Жұмаханов.
Оның айтуынша, нақты ұсынысты алғаш болып «Елімай» жасаған. Сондықтан да ол көп ойланбастан семейлік клубпен келісімге келген.
Соған қарамастан, Әділбек Еуропа чемпионаттарында доп тебу арманынан бас тартпағанын және әлі де мұндай мүмкіндікке ұмтылып жүргенін жасырмады.
Айбар Рысдаулет
Самородов - «Ахматтың» наурыздағы үздіктері арасында
Болат Заманбеков UFC үміткерімен жекпе-жекке шығады