Кормье қазақстандық файтердің жеңісін жоғары бағалады
Фото: Sportbox
АҚШ-тың танымал файтері әрі The Ultimate Fighter жобасындағы Әліби Ыдырыстың бапкері Даниэль Кормье қазақ спортшысының жартылай финалдағы жеңісіне жоғары баға берді, деп хабарлайды Pin-UpSport.kz.
Әліби венесуэлалық Ройберт Эчеверрияны бірінші раундтың соңында тізе соққысымен сұлатып, кейін жерге түсіріп соққылармен жекпе-жекті мерзімінен бұрын аяқтады. Осылайша ол финалға жолдама алып, UFC-мен келісімшарт үшін таласуға мүмкіндік алды.
Кормьенің айтуынша, Әлібидің қабырғасында жарақаты болған, ал қарсыласының командасы мұны білген. Сондықтан Эчеверрия денеге жиі шабуыл жасаған. Бірақ Ыдырыстың қысымы өз нәтижесін беріп, ол жекпе-жекті өз пайдасына шешті.
«Бұл – мен TUF жобасында көрген ең керемет аяқтаулардың бірі. Әліби үшін керемет нәтиже», – деді Кормье.
