Кенжебек Ресей Премьер-лигасында алғашқы матчын өткізді
Галымжан Кенжебек. Фото: КФФ
Грозныйдың «Ахмат» клубында өнер көрсететін қазақстандық вингер Ғалымжан Кенжебек Ресей Премьер-лигасындағы алғашқы ойынын өткізді, деп хабарлайды Pin-UpSport.kz. Ол Ресей чемпионатының 20-туры аясында өткен «Локомотивке» қарсы кездесуде алаңға шықты.
Матч Мәскеуде өтті. Кенжебек 87-минутта алаңға шығып, Қазақстан құрамасының тағы бір ойыншысы — шабуылшы Максим Самородовтың орнына ойынға қосылды. Қазақстандық футболшы алаңға шыққан сәтте кездесудегі есеп 2:2 болып тұрды.
Бұл ойында «Ахматтың» голдарының бірін Максим Самородов соқты. Ол 26-минутта дәл соққымен ерекшеленіп, грозныйлық клубтың екінші голының авторы атанды. Осылайша «Локомотивке» қарсы кездесуде Қазақстан құрамасының екі ойыншысы да алаңға шықты.
Ғалымжан Кенжебек «Ахмат» клубының ойыншысы ретінде 2026 жылдың қаңтарында тіркелді. Ол командаға 10 қаңтар күні еркін агент ретінде ауысты. Тараптар арасында жасалған келісімшарт төрт жарым жылға есептелген және 2030 жылдың жазына дейін күшінде болады.
