Карими күміс медаль алды: гимнастикадан Азия біріншілігінде тағы бір жүлде
Милад Карими. Фото: kazsports.kz
Оңтүстік Кореяның Чечхон қаласында спорттық гимнастикадан Азия чемпионатының финалдық кезеңі өтіп жатыр. Жарыстың вольтілік жаттығу түрінде ел намысын қорғаған Милад Карими екінші орынды иеленді.
Ол қазылар алқасынан 14.400 ұпай жинады. Бұл нәтижемен Карими күміс жүлдегер атанды. Ал алтын медальді 14.600 ұпаймен филиппиндік екі дүркін олимпиада чемпионы Карлос Юло еншіледі. Үздік үштікті 14.033 ұпай алған оңтүстіккореялық Мун Гын Ён түйіндеді.
Аталған жаттығуда тағы бір отандасымыз Дмитрий Патанин де өнер көрсетті. Ол 13.833 ұпаймен төртінші орынға табан тіреп, жүлдеге бір қадам жетпей қалды.
Айта кетейік, осыған дейін Қазақстан құрамасы командалық көпсайыста үшінші орынды иеленген болатын.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
