Илия Топурия UFC чемпиондық белбеуін қорғауды кейінге қалдырды
Фото: Sportbox
UFC-дің жеңіл салмақтағы чемпионы Илия Топурия титулын қорғауды белгісіз мерзімге шегергенін мәлімдеді, деп хабарлайды Pin-UpSport.kz. Спортшының айтуынша, бұл шешім спорттық дайындыққа емес, жеке қауіпсіздігіне, отбасына және кәсіби беделіне қатысты сыртқы жағдайларға байланысты қабылданған.
Топурия әлеуметтік желілердегі ресми мәлімдемесінде соңғы айларда өзіне бағытталған қысымның күшейгенін атап өтті. Оның сөзінше, бұл жағдайлар қаржылық талаптармен байланысты жанама ықпал ету әрекеттерін де қамтыған. Чемпион мұндай факторлардың UFC-дегі спорттық қызметімен тікелей байланысы жоқ екенін, алайда жеке мәселелерге назар аударуға мәжбүр еткенін жеткізді.
Бойкер өз мәлімдемесінде атына айтылуы мүмкін кез келген айыптауларды негізсіз деп санайтынын нақтылады. Ол өз позициясын дәлелдейтін барлық материалдардың, оның ішінде аудио, мәтіндік және бейне жазбалардың толық сақталып, тіркелгенін атап өтті. Топурия бұл жағдайды құқықтық алаңда шешуді көздейтінін және өз беделіне қатысты кез келген алып-қашпа әңгімелерге ашық түрде жауап беруді дұрыс деп санайтынын мәлімдеді.
Илия Топурия кәсіби аралас жекпе-жекке 2015 жылы қадам басып, 2020 жылдан бастап UFC ұйымында өнер көрсетіп келеді. Оның мансабында 17 жеңіс бар, соның ішінде жекпе-жектердің басым бөлігі мерзімінен бұрын аяқталған. Титулды қорғаудағы уақытша үзіліс жеңіл салмақ дивизионының жоспарына әсер етуі мүмкін, ал чемпионның келесі қадамы қазіргі жағдайдың қалай шешілетініне және UFC басшылығының шешімдеріне байланысты болмақ.
Айбар Рысдаулет
Қарағандыда жаңа жабық футбол стадионы салынбақ
Зинедин Зидан 2026 жылдан кейін Франция құрамасын басқаруға дайын