Хави Эрнандес Сауд Арабиясына бара ма? «Аль-Хиляль» жаңа бапкер іздеуде
Хави Эрнандес. Фото: Getty Images
Испаниялық бапкер Хави Эрнандес Сауд Арабиясының «Аль-Хиляль» клубының тізгінін ұстауы мүмкін. Бұл туралы танымал инсайдер Флориан Плеттенберг хабарлады.
Ақпаратқа сүйенсек, саудиялық клуб португалиялық Жорже Жезуштың орнына дәл осы Хавиді қарастырып отыр. Жезуш 3 мамырда қызметінен кеткен болатын – ол «Аль-Ахлиден» Азия чемпиондар лигасының жартылай финалында жеңіліп, командамен қоштасты.
Егер келіссөздер сәтті аяқталса, Хави Эрнандес 2025/2026 маусымының басында «Аль-Хиляльдың» жаңа бас бапкері атануы мүмкін. Айта кетейік, Хави 2021-2024 жылдары «Барселонаны» жаттықтырып, Испания чемпионы атанған және ел Суперкубогын жеңіп алған. Қазіргі таңда «Аль-Хиляль» Сауд Арабиясы чемпионатында 62 ұпаймен екінші орында тұр.
