«Хартс» клубы Ғалымжан Кенжебекке қызығушылық танытты
Фото: КФФ
Шотландиялық «Хартс» клубының скауттары қазақстандық футболшыларды бақылауды жалғастыруда, деп хабарлайды Pin-UpSport.kz ASnews.kz сайтына сілтеме жасап.
Дереккөз мәліметінше, олардың назарына 22 жастағы «Елімай» мен Қазақстан құрамасының жартылай қорғаушысы Ғалымжан Кенжебек іліккен. Эдинбургтік мамандар соңғы халықаралық үзіліс кезінде оның ойынын бақылап, ұлттық құрама сапында соққан голы мен жоғары жылдамдығына назар аударған.
Еске салайық, 3 шілдеде «Елімай» Кенжебекпен келісімшартқа қол қойғанын ресми түрде хабарлаған еді. Бұған дейін ол Словакияның «Кошице» клубында ойнап, 10 матчта бір гол соғып, бір нәтижелі пас берген. Сондай-ақ, футболшының карьерасында «Қайрат», «Женіс», «Мақтаарал» және Кипрдің «Акритас» клубтары бар.
Айта кетсек, биылғы қыста «Хартс» сапына «Тоболдың» шабуылшысы Ислам Чесноков қосылады. Ол клуб тарихындағы алғашқы қазақстандық ойыншы болмақ.
