Гвардиола Англияда екі матчқа шеттетілді
Фото: Матч ТВ
«Манчестер Сити» клубының бас бапкері Хосеп Гвардиола осы маусымдағы алтыншы сары қағазынан кейін екі матчқа дисквалификация алды, деп хабарлайды Pin-UpSport.kz.
Испаниялық маман Англия Кубогының 1/8 финалында «Ньюкасл Юнайтедке» қарсы өткен кездесуде ескерту алған болатын. Аталған матчта «Манчестер Сити» 1:3 есебімен жеңіліс тапты.
Бұл ескерту Гвардиола үшін ағымдағы маусымдағы алтыншы сары қағаз болды. Англиядағы жарыстардың ережесіне сәйкес, мұндай көрсеткіш автоматты түрде дисквалификацияға әкеледі. Соның нәтижесінде «Манчестер Сити» бапкері алдағы екі кездесуде командасын алаң жиегінен басқара алмайды.
Журналист Саймон Байковскидің мәліметіне сәйкес, бұл шектеу Англия лигасы кубогының финалына әсер етпейді. Демек, Гвардиола 22 наурыз күні өтетін «Арсеналға» қарсы шешуші матчта «Манчестер Ситиді» басқара алады. Алайда ол Англия чемпионатының 30-туры аясында 14 наурызда өтетін «Вест Хэмге» қарсы ойынды және Англия Кубогының ширек финалын өткізіп алады.
Англия Премьер-лигасының 29 турында «Манчестер Сити» 60 ұпай жинап, турнирлік кестеде екінші орында тұр. Команда көш бастап тұрған «Арсеналдан» жеті ұпайға қалып келеді. Сонымен қатар «Манчестер Ситидің» бір ойыны қорда бар.
Айбар Рысдаулет
Нұрғожай UFC-тегі алғашқы жеңісіне пікір білдірді
Морозова конькимен жүгіруден әлем чемпионатында жетінші орын алды