Футзалдан 2026 жылғы Еуропа чемпионаты Қазақстанда өтуі мүмкін
Фото: FIFA via Getty Images
2026 жылғы футзалдан Еуропа чемпионаты басқа елге ауыстырылуы мүмкін. Бұл турнирді бастапқыда Латвия мен Литва қабылдайды деп жоспарланған.
Алайда қос ел Беларусь құрамасын өз аумағында қабылдаудан бас тартты. Себебі – Беларусьтің Ресейге Украинадағы қақтығысқа байланысты қолдау білдіруі. Айта кетейік, Беларусь бұл додаға тарихында алғаш рет жолдама алған.
Осы жағдайға байланысты 21 мамырға белгіленген плей-офф кезеңінің жеребесі кейінге шегерілуі мүмкін. Дереккөздерге сенсек, жарысты өткізу үшін қарастырылып жатқан жаңа елдердің қатарында Қазақстан да бар. Себебі елімізде мұндай деңгейдегі турнирлерді қабылдауға лайықты инфрақұрылым жеткілікті. Турнирдің тағдыры жақын күндері белгілі болады.
Автор туралы
Айбар Рысдаулет
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
