Футболдан Қазақстан чемпионатының атауында беттинг болмайды
Қазақстан футбол федерациясының жаңа президенті Марат Омаров еліміздегі футбол турнирлерінің атауында букмекерлік компаниялардың атын қолданудан бас тартатынын мәлімдеді. Оның айтуынша, жаңа маусымнан бастап бұл тәжірибе тоқтатылады.
— Біз лудоманиямен күресіп жатырмыз. Белгілі бір букмекерлік компанияны жарнамалау дұрыс емес деп есептейміз. Сондықтан, жаңа маусымды мұндай атауларсыз бастаймыз. Чемпионаттың атауы қандай болатынын кейін өздеріңізбен бірге талқылаймыз, – деді Омаров.
Айта кетсек, соңғы жылдары отандық футбол турнирлерін букмекерлік компаниялар белсенді түрде қаржылай қолдап, сол себепті олардың атауы турнирлердің ресми атауларында көрсетіліп келген.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
«Қайрат» футзал клубына бразилиялық ойыншы қосылдыКелесі мақала:
Роналдиньо Месси туралы: «Ол өз заманының үздік ойыншысы»