Эдсон «Бенфикаға» ауысса, ұлттық құрамадағы болашағы бұлыңғыр болады
Эдсон. Фото: UEFA via Getty Images
«Қайрат» футзал клубы Қазақстан құрамасының ойыншысы Эдсонға қатысты Португалияның әйгілі «Бенфикасынан» ресми ұсыныс алды. Бұл туралы FutsalKazakhstan хабарлады. Эдсон 2018 жылдан бері алматылық клуб сапында ойнап келеді. 2020 жылы ол Словенияның «Лития» клубына жалға беріліп, жарты жыл сол жақта өткізген еді.
Ойыншының Еуропаға ауысуы оның Қазақстан құрамасында ойнау құқығына әсер етуі мүмкін. FIFA ережесіне сай, спорттық азаматтықты ауыстыру үшін елде кемінде бес жыл үзіліссіз тұру қажет. Ал 2020 жылғы аренда бұл мерзімді үзген.
Қазір жаңа есеп 2020 жылдың қыркүйегінен басталған. Демек, Эдсон Қазақстан сапында тек 2025 жылдың қыркүйегінен кейін ғана ойнай алады. Егер ол бұған дейін шетелге қайта кетсе, бес жылдық талап қайта басталады.
Айбар Рысдаулет
Астанадағы тартыс: Team Spirit жеңіске жетті
Қазақстан құрамасы хоккейден әлем чемпионатында элиталы дивизионнан шығып қалды