Дияр Нұрғожай UFC 326 турнирі алдында салмақ өлшеу рәсімінен өтті
Дияр Нургожай. Фото: Zuffa LLC
Қазақстандық аралас жекпе-жек шебері Дияр Нұрғожай UFC ұйымындағы келесі жекпе-жегі алдында ресми салмақ өлшеу рәсімінен сәтті өтті, деп хабарлайды Pin-UpSport.kz. Спортшы жартылай ауыр салмақ дәрежесінің шегіне сәйкес келіп, 93,21 килограмм немесе 205,5 фунт нәтижесін көрсетті.
Салмақ өлшеу рәсімі Лас-Вегаста өтетін UFC 326 турнирі қарсаңында ұйымдастырылды. Бұл кезең жекпе-жек алдындағы міндетті процедуралардың бірі болып саналады және спортшылардың белгіленген салмақ категориясына сәйкес келетінін анықтайды. Дияр Нургожай үшін бұл кездесу әлемдегі ең ірі ММА промоушендерінің бірінде өзін көрсетуге тағы бір мүмкіндік болады.
Қазақстандық файтердің жекпе-жегі 7 наурыздан 8 наурызға қараған түні өтеді. Оның қарсыласы бразилиялық Рафаэл Тобиас болады. Бұл жекпе-жек бразилиялық спортшы үшін UFC-дегі алғашқы кездесу болмақ. Осылайша екі спортшы да октагонға ерекше мотивациямен шығуы мүмкін: Нұрғожай ұйымдағы нәтижесін жақсартуды көздесе, Тобиас дебюттік кездесуінде жеңіске жетуге тырысады.
Бұған дейін Дияр Нұрғожай UFC-де екі жекпе-жек өткізген. Бірінші кездесу өткен жылдың наурыз айында өтіп, ол бразилиялық Брендсон Рибейроға екінші раундта сабмишн арқылы жеңілді. Екінші жекпе-жек тамыз айында ұйымдастырылып, қазақстандық спортшы қырғызстандық Уран Сатыбалдиевтен бірінші раундта мерзімінен бұрын жеңіліс тапты. Алдағы кездесу Нұрғожай үшін ұйымдағы мансабын жалғастыру жолында маңызды кезеңдердің бірі болуы мүмкін.
Айбар Рысдаулет
Алматыда футбол матчтарының қауіпсіздігін қамтамасыз етудің жаңа үлгісі айқындалды
Шерзод Давлатов - Аустриядағы Гран-придің қола жүлдегері