Дастан Сатпаев үздік шабуылшылардың әлемдік ТОП-10 қатарына енді
Фото: Instagram/@f.c.kairat
«Қайрат» клубының және Қазақстанның жасөспірімдер құрамасының шабуылшысы Дастан Сатпаев 21 жасқа дейінгі ең әлеуетті орталық шабуылшылардың әлемдік ондығына енгізілді, деп хабарлайды Pin-UpSport.kz.
Халықаралық TransferRoom платформасы жариялаған рейтингте 17 жастағы қазақстандық талант әлемдік жас футболшылар қатарынан өз орнын тапты.
TransferRoom тізіміне болашағынан зор үміт күттіретін және трансферлік нарықта жоғары сұранысқа ие жас ойыншылар енгізіледі. Жаңартылған рейтингке Еуропа мен Оңтүстік Америка елдерінің жетекші клубтарында тәрбиеленіп жатқан футболшылар ілікті. Олардың қатарында «Брайтон», «Палмейрас», «Байер», «Ренн», «Реал», «Порту» және «Лейпциг» секілді клубтардың жас шабуылшылары бар. Бұл тізімге Сатпаевтың енуі оның халықаралық деңгейдегі әлеуетін мойындататынын көрсетеді.
Рейтингте үздік ондыққа енген ойыншылар: Харалампос Костулас (Грекия) — 91,3 ұпай, Витор Роке (Бразилия) — 91,1, Кристиан Кофане (Камерун) — 90,0, Кадер Мейте (Франция) — 89,8, Эндрик (Бразилия) — 89,7, Кауа Элиас (Бразилия) — 88,8, Стефанос Цимас (Грекия) — 88,8, Саму Агехова (Испания) — 88,7, Конрад Хардер (Норвегия) — 88,6. Дастан Сатпаев 88,5 ұпай жинап, әлемдік ТОП-10 тізімін қорытындылады.
Сатпаевтың осындай жоғары рейтингке енуі — Қазақстан футболы үшін маңызды көрсеткіш. Бұл оның халықаралық трансферлік нарықтағы бағасын арттырып қана қоймай, «Қайрат» клубы мен ұлттық құрамалардағы рөлін күшейтуі мүмкін. Сарапшылардың пікірінше, жас шабуылшының болашағы оның тұрақты ойын тәжірибесіне және халықаралық деңгейдегі жарыстарға қатысуына байланысты болмақ.
Айбар Рысдаулет
Талғат Байсуфинов Қазақстан құрамасының тұрақты бас бапкері болып бекітілмек
Теренс Кроуфорд супер орта салмақтағы WBC белбеуінен айырылды