DAR Team бас бапкері Шавкат Рахмоновтың UFC рейтингіндегі орнын бағалады
Шавкат Рахмонов
DAR Team бас бапкері Эдуард Базров UFC жаңартылған рейтингінде Шавкат Рахмоновтың жағдайына және жартылай орта салмақтағы бәсекеге қатысты пікір білдірді, деп хабарлайды Pin-UpSport.kz. Оның айтуынша, дивизиондағы өзгерістерге қарамастан, қазақстандық спортшының позициясы берік болып отыр.
Базровтың айтуынша, салмақта жаңа есімдер мен үміткерлер көбейгенімен, Рахмонов титулдық жекпе-жекке бір қадам жақында тұрған спортшылардың қатарында. Ол бір жеңіс Шавкатқа чемпиондық мүмкіндікті аша алатынын, сондай-ақ UFC бірден титулдық жекпе-жек ұсынуы ықтимал екенін атап өтті. Бапкер жағдайды Асу Алмабаевтың позициясымен салыстырып, екі спортшы да дивизион шыңына өте жақын тұрғанын айтты.
Команда жоспарлары туралы айта келе, Базров бастапқыда биыл чемпиондық белбеуді әкелуді көздегенін, алайда Шавкаттың жарақаты дайындық мерзіміне әсер еткенін жеткізді. Оның сөзінше, қалпына келу кезеңі оңай болған жоқ, бірақ жоспар өзгермеген. «ИншаАллаһ, келесі жылы титулды Қазақстанға әкелуге бар күшімізді саламыз», — деді ол.
UFC жаңартылған рейтингінің нәтижесінде Рахмонов жартылай орта салмақтың үшінші орнына қайта оралды. Бұл көрсеткіш оның титулдық жекпе-жекке негізгі үміткерлердің бірі екенін айқындап, алдағы шешімдер UFC кестесіне және спортшының дайындығына байланысты болмақ.
Айбар Рысдаулет
Алматы 2026 жылы UFC турнирін өткізу мүмкіндігін қарастырып жатыр
Әли Абдель-Азиз Ислам Махачевтің келесі қарсыласын атады