Чемпиондар лигасының бесінші туры аяқталды: «Арсенал» көш басында, ал «Қайрат» төменгі аймақта қалды
Фото: ФК Кайрат
27 қарашаға қараған түні Чемпиондар лигасының бесінші тур ойындары аяқталып, жалпы рейтингтегі командалардың орналасуы айтарлықтай өзгерді, деп хабарлайды Pin-UpSport.kz. Турнир шешуші кезеңге жақындап қалғандықтан, жоғарғы орындарға талас күшейе түсті.
Бұл турдың алдында Лондонның «Арсеналы» бірінші орынды сақтап тұрған және тұрақты ойын көрсетуді жалғастырып, ұпайын 13-ке жеткізді. Оны 12 ұпай еншілеген «ПСЖ» мен «Бавария» қуып келеді. Төртінші орында «Интер» тұр, ал бесінші орынға «Олимпиакоспен» өткен ойында жеңіске жеткен «Реал Мадрид» орналасты. Одан кейінгі орындарды 10 ұпай жинаған «Боруссия Дортмунд», «Челси», «Спортинг» және «Манчестер Сити» бөлісіп отыр, бұл тікелей плей-офф жолдамасы үшін тартыстың жоғары деңгейде екенін көрсетеді.
Тур нәтижелері ортаңғы аймақтағы құрылымды да өзгертті. «Ливерпуль», «Атлетико», «ПСВ», «Тоттенхэм», «Байер», «Барселона», «Қарабах» және «Наполи» стыктік матчтарға шығу мүмкіндігін сақтап отыр, бірақ кез келген қателік олардың турнирлік жағдайын қиындатады. Алматылық «Қайрат» үшін тур сәтсіз өтті: «Копенгагеннен» 2:3 есебімен жеңілу командаға 1 ұпаймен 35-орында қалуға себеп болды.
Регламентке сәйкес, сегізінші турдан кейін командалар үш санатқа бөлінеді: алғашқы сегіздік тікелей 1/8 финалға жолдама алады, тоғызыншы мен 24-орын аралығындағы клубтар плей-оффқа шығу үшін стыктік матчтар ойнайды, ал 25-тен 36-орынға дейінгі командалар маусымды жалпы кезеңде аяқтайды. Алдағы алтыншы тур командалардың қорытынды позициясын айқындайтын шешуші кезең болмақ.
Айбар Рысдаулет
«Қайрат» сырт алаңда «Копенгагенге» есе жіберді
Мбаппе «Олимпиакос» қақпасына покер жасап, Чемпиондар лигасындағы бомбардирлер тізімінде көш бастады