«Челси» Сатпаевтің ауысуын жеделдетуі мүмкін

Ағылшынның атақты «Челси» клубы «Қайраттың» жас шабуылшысы Дастан Сатпаевты команда құрамына мерзімінен бұрын қосу мүмкіндігін қарастырып жатыр, деп хабарлайды Pin-UpSport.kz.

TheChelseaChronicle порталының жазуынша, клуб Сатпаевтың дамуына риза. Әсіресе, КуПС-ке қарсы Чемпиондар лигасындағы жауапты ойында алғашқы голды соғып, «Қайраттың» ірі жеңісіне (3:0) жол ашқаны назар аудартты. «Челси» жас қазақстандыққа үлкен үміт артып отыр және оған арнайы жаттықтырушы бөлген.

Ресми келісім бойынша, Дастан Англияға 2026 жылдың жазында – 18 жасқа толған соң ауысуы керек. Бірақ егер Ұлыбритания үкіметі оған еңбек етуге рұқсат берсе, бұл процесс ерте жүзеге асуы мүмкін.

Сол уақытқа дейін Сатпаев «Қайраттың» сапында ойнауды жалғастырып, «Челси» жаттықтырушысының жеке бағдарламасымен дайындық жүргізе береді.