Болат Заманбеков UFC үміткерімен жекпе-жекке шығады
Болат Заманбеков. Фото:: ONEFC
Қазақстандық ММА файтері Болат Заманбеков кезекті жекпе-жегін танымал қарсыласқа қарсы өткізеді. Ол 2 мамыр күні өтетін Karate Combat 54 турнирінде Мухаммад Мокаевпен күш сынасады.
Айқас кәсіби каратэ ережесімен өтеді. Бұл – Заманбеков үшін халықаралық деңгейде өзін көрсетуге таптырмас мүмкіндік болмақ.
Мокаев – Ұлыбритания атынан шығатын, Brave FC ұйымының бұрынғы чемпионы әрі қазіргі UFC белбеуіне басты үміткерлердің бірі. Ол кәсіби мансабында бірде-бір рет жеңіліп көрмеген.
Болат бұған дейін Naiza, Alash Pride, The Ring пен One FC секілді ұйымдарда өнер көрсетті. Енді ол еш жеңілісі жоқ қарсыласпен кездесіп, өзінің деңгейін дәлелдеуге тырысады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
