Азат Мақсұмның UFC-дегі соңғы жекпе-жегі үшін алған гонорары белгілі болды
Фото: Zuffa LLC
Қазақстандық файтер Азат Мақсұмның (15–3) Абу-Дабиде өткен UFC 321 турниріндегі америкалық Митч Рапосомен (10–3) жекпе-жегі үшін алған ақысы белгілі болды, деп хабарлайды Pin-UpSport.kz.
Кездесудің алдында Мақсұм айқын фаворит саналғанымен, жекпе-жекте төрешілердің бір ауыздан шығарған шешімімен жеңілді. Ресми дерек бойынша, оның жалпы гонорары 21 мың долларды (шамамен 11,1 миллион теңге) құраған. Дегенмен, салмақ өлшеу кезінде лимиттен асып кеткені үшін спортшы қарсыласына табысының 30 пайызын беруге мәжбүр болды.
Бұған қоса, кей деректерге сүйенсек, бұл жекпе-жек Азат Мақсұмның UFC-дегі соңғы айқасы болуы мүмкін. Промоушен қазақстандықпен келісімшартты ұзартпайды деген ақпарат бар. Мақсұм ұйым сапында төрт кездесу өткізіп, оның біреуінде жеңіске жетіп, үшеуінде жеңіліске ұшыраған.
Соған қарамастан, 27 жастағы спортшы мансабын жалғастырып, басқа халықаралық ұйымдармен келіссөз жүргізуді жоспарлап отыр.
Айбар Рысдаулет
Ақтөбе әкімі Асхат Шахаров жаңа стадион мен спорт кешенінің құрылысын тексерді
Қазақстан құрамасының Бельгия мен Фарер аралдарына қарсы матчтарға шақырылған ойыншыларының нақты тізімі