Азат Мақсұмның UFC-дегі қарсыласы анықталды
Азат Максум. Фото: Zuffa LLC via Getty Images
Қазақстандық UFC файтері Азат Мақсұм 21 маусым күні Бакуде өтетін турнирде октагонға қайта оралады. Ол Кёдзи Хоригучидің орнына шығып, Хабиб Нурмагомедовтің командасындағы Тагир Уланбековпен күш сынасады.
Triumph Fights залындағы бапкер Қанат Рахымовтың айтуынша, Азат жекпе-жекке ертеден дайындалып жүрген.
«Америкада жаттығу жасап келді. Ұсыныс түскен сәтте бірден келістік. Қарсылас таңдамаймыз», – деді ол Sport Шредингерге берген сұхбатында.
Жекпе-жекке соңғы дайындық Алматыда өтеді. Команда уақытты жолға жұмсамай, әр күнді тиімді пайдалануды жөн көрген.
«Нурмагомедовтер командасы – қазір әлемдегі ең мықтылардың бірі. Оны жақсы білеміз. Бекзат Алмахан мен Умар Нурмагомедовтің кездесуін бәрі ұмытқан жоқ. Әуесқойлар деңгейінде жолымыз түйіспесе де, бұл айқастың оңай болмайтынын түсініп отырмыз», – деді Рахымов.
Айбар Рысдаулет
Хоккейден Қазақстан құрамасы элитадан шығып, IIHF рейтингінде төмендеді
Қазақстандық жүзушілер Барселонада бақ сынайды