«Атырау» клубының жаңа бас менеджері тағайындалды
Дидар Сыдықбек
«Атырау» футбол клубының бас менеджері қызметіне 32 жастағы қазақстандық маман Дидар Сыдықбек тағайындалды. Бұл туралы клубтың баспасөз қызметі хабарлады.
Алматылық Сыдықбек футболшы ретінде «Қызылжар», «Астана-1964», «Ақтөбе» және «Ордабасы» клубтарының намысын қорғаған. Мансабын аяқтаған соң, ол түрлі салада еңбек етті — «Прогресс KZ» аналитика қызметінің басшысы, «ИТЦ» АҚ бақылау бөлімінің маманы және Тұңғыш Президент Қоры жобалық кеңсесінің үйлестірушісі қызметтерін атқарған.
Футболдағы басқарушылық жолын SD Family Group компаниясының директоры қызметінен бастаған. Кейін Қазақстан медиа-футбол федерациясының президенті болды. Сондай-ақ, ҚФФ-мен бірлесіп жүзеге асырылып жатқан «ALAN» инфрақұрылымдық жобасында кеңесші болған.
Айта кетейік, бұған дейін бұл қызметті Алишер Апсалямов атқарған.
