Асу Алмабаев UFC рейтингінде жоғарылады
Асу Алмабаев. Фото: Jeff Bottari/Zuffa LLC
Қазақстандық файтер Асу Алмабаев (21-3) UFC рейтингінде өз орнын жақсартты. Ол аса жеңіл салмақта тоғызыншы орыннан сегізінші сатыға көтерілді.
Бұл өзгеріс аустралиялық Стив Эрцегтің (12-4) бір саты төмен түсуіне байланысты орын алды. Ол Мексиканың Мехико қаласында өткен UFC on ESPN 64 турнирінде мексикалық Брэндон Мореноға (23-8-2) төрешілердің бірауызды шешімімен жеңіліп қалды.
Асу Алмабаев болса, соңғы жекпе-жегін бір ай бұрын Лас-Вегастағы UFC Fight Night 253 турнирінде өткізген еді. Ол кезде ол Ангола спортшысы Манел Капемен (21-7) кездесіп, үшінші раундта техникалық нокаутпен ұтылып қалған.
Жеңілісіне қарамастан, Алмабаев дивизиондағы үздік ондық қатарында қалып, тіпті бір орынға жоғары көтерілді. Бұл – қарсыластары арасындағы нәтиже өзгерісінің әсері.
Айбар Рысдаулет
«Ордабасы» маусымды сәтсіз бастады: Қайрат Әшірбеков команданы қолдауға шақырды
Ресейлік футболшы Қазақстан құрамасында ойнағысы келетінін мәлімдеді