Астанада UFC турнирі өтуі мүмкін
UFC. Фото: Zuffa LLC via Getty Images
Астана қаласы UFC деңгейіндегі халықаралық турнирлерді қабылдауға толық дайын. Бұл туралы Орталық коммуникациялар қызметіндегі брифингте Туризмді дамыту орталығының басшысы Артём Квашук мәлімдеді, деп хабарлайды Pin-UpSport.kz.
Оның айтуынша, елордада мұндай ірі іс-шараларды ұйымдастыруға барлық жағдай жасалған. «Біздің ареналар халықаралық стандарттарға сай. Мұндай турнир міндетті түрде шетелдік туристерді тартады, бұл қаланың экономикасына оң әсерін тигізеді», – деді ол.
«Астана Концерт» компаниясының продюсері Малик Хасеновтың айтуынша, UFC талаптарына толықтай сай келетін алаң — «Барыс Арена». Сонымен қатар, ол Шавкат Рахмонов секілді атақты спортшылардың барын ескеріп, бұл турнирдің Астанада өту мүмкіндігін жоғары бағалады.
Хасеновтың сөзіне сүйенсек, турнирді алдағы екі-үш жылда өткізуге болады. Қазір басты мақсат — халықаралық серіктестер мен демеушілерді тарту.
