Ақтөбе әкімі Асхат Шахаров жаңа стадион мен спорт кешенінің құрылысын тексерді
Фото: time.kz
Ақтөбе қаласының әкімі Асхат Шахаров жаңа футбол стадионы мен көпфункционалды спорт кешенінің құрылыс барысын тексерді, деп хабарлайды Pin-UpSport.kz. Оның айтуынша, нысандар жоспарға сай салынып жатыр және өңірдің спорт инфрақұрылымын дамытудағы маңызды қадам болмақ.
«Мемлекет басшысы жаңа футбол академиясын салуды тапсырған еді. Егер біз жоғары деңгейдегі спортшыларды тәрбиелегіміз келсе, оларға тиісті жағдай жасау қажет. Өткен жылы өз академиямызды аштық. Мақсатымыз — жергілікті клубтарды, бұқаралық спортты және сапалы даярлық жүйесін дамыту арқылы ұлттық құрамаларға ойыншылар тәрбиелеу. Бұл үшін барлық жағдай өңірлерде жасалуы керек», — деді Шахаров.
Бұған дейін хабарланғандай, жаңа стадионның сыйымдылығы — 34 980 орын, ал футзал мен волейболға арналған әмбебап спорт кешенінде 5 000 көрерменге арналған трибуна қарастырылған. Бұл нысан еліміздегі ең үлкен спорт аренасы болмақ.
Қазіргі таңда Қазақстандағы ең сыйымдылығы жоғары стадион — «Астана Арена» (30 мың орын). Құрылысы аяқталғаннан кейін Ақтөбедегі жаңа арена астана стадионынан асып түсіп, елдегі ірі спорт нысандарының біріне айналады.
Айбар Рысдаулет
ҚПЛ-2025 маусымында «Қайрат» ең көп жанкүйер жинаған клуб атанды
Азат Мақсұмның UFC-дегі соңғы жекпе-жегі үшін алған гонорары белгілі болды