Анчелотти Бразилия құрамасының тізгінін ұстайды
Карло Анчелотти. Фото: Getty Images
Бразилия футбол конфедерациясы Карло Анчелоттидің ұлттық құраманың бас бапкері болатынын ресми түрде растады. Мадридтің «Реалын» жаттықтырып жүрген 65 жастағы итальян маманы 1965 жылдан бері «селесаоны» басқарған алғашқы шетелдік болады. Ол кезде құраманы аргентиналық Фильпо Нуньес жаттықтырған.
Анчелоттидің Бразилия сапындағы алғашқы матчтары маусым айында өтеді. Команда 6 маусымда Эквадормен, ал 11 маусымда Парагваймен әлем чемпионатының іріктеу ойынын өткізеді. Қазір бес дүркін әлем чемпиондары оңтүстік америкалық іріктеу кезеңінде төртінші орында тұр.
Айта кетейік, Анчелотти «Реалмен» қатар, бұған дейін «Милан», «Челси», ПСЖ, «Бавария», «Ювентус», «Эвертон» секілді алпауыт клубтарды баптаған.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
