Алонсо «Реалға» бас бапкер боп оралады
Фото: Getty Images
«Реал Мадрид» клубы Хаби Алонсоның келесі маусымнан бастап команда тізгінін ұстайтынын ресми түрде жариялады. Жаңа келісімшарт 2025 жылдың 1 маусымынан 2028 жылдың 30 маусымына дейінгі аралықты қамтиды.
Алонсо 2009 бен 2014 жылдары аралығында «Реал» сапында доп теуіп, 236 матч өткізген. Осы кезеңде ол Чемпиондар лигасы, Ла Лига, Испания кубогы мен суперкубогын қоса алғанда, алты бірдей жүлде жеңіп алды. Сонымен қатар, Испания құрамасы сапында Әлем чемпионатын және екі Еуропа чемпионатын ұтқан.
Бапкерлік жолын «Реал» академиясынан бастаған ол кейін «Байер» клубында өзін танытты. Леверкузендік команданы үш маусымда-ақ Германияның чемпионы, Кубок иегері әрі Суперкубок иегері атандырды.
26 мамыр күні Хаби Алонсо жаңа қызметінде ресми түрде таныстырылады. Презентация «Реал Мадрид Сити» орталығында өтіп, оған клуб президенті Флорентино Перес қатысады. Іс-шара соңында Алонсо журналистерге сұхбат береді.
Айбар Рысдаулет
Әділбек Мусин Франциядағы жарыста жүлде алды
Чемпиондар лигасында бақ сынайтын АПЛ клубтары анықталды