Әліби Ыдырыс UFC-мен келісімшартқа қол қойды
Фото: Zuffa LLC
The Ultimate Fighter жобасының финалисі Әліби Ыдырыс UFC-мен келісімшартқа отырды, деп хабарлайды Pin-UpSport.kz.
17 тамыз күні Чикагода өткен UFC 319 турнирінде қазақстандық файтер америкалық Джозеф Моралеске қарсы шығып, мерзімінен бұрын жеңіліп қалды. Бұл Ыдырыстың кәсіби мансабындағы алғашқы жеңілісі еді.
Дегенмен оның харизмасы мен айқас жүргізу мәнері UFC басшылығын тәнті етті. Дана Уайт қазақстандық спортшыны жоғары бағалап, оған төрт жекпе-жекті қамтитын келісімшарт ұсынды.
Осылайша, Әліби Ыдырыс UFC-де өнер көрсететін жетінші қазақстандық спортшы атанды. Қазір ұйым құрамында Шавкат Рахмонов, Асу Алмабаев, Азат Максум, Бекзат Алмахан, Дияр Нұрғожай және Николай Веретенников та бар.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
