Әліби Ыдырыс UFC Fight Night 267 турнирінде жеңіске жетті
22 ақпанда Хьюстон қаласында өткен UFC Fight Night 267 турнирінде аса жеңіл салмақта қазақстандық Әліби Ыдырыс америкалық Оди Осборнмен жекпе-жек өткізді, деп хабарлайды Pin-UpSport.kz. Кездесу қазақстандық спортшының жеңісімен аяқталды.
Айқас толық үш раундқа созылды. Жекпе-жек қорытындысы бойынша төрешілер бірауыздан жеңісті Ыдырысқа берді. Бұл нәтиже қазақстандық файтер үшін турнир аясындағы маңызды жеңіс болды.
Бұған дейін Әліби Ыдырыс 2025 жылдың тамыз айында UFC 319 турнирінде октагонға шығып, Джозеф Моралеске екінші раундта тұншықтыру әдісімен жол берген еді. Хьюстондағы жеңістен кейін оның кәсіби рекорды 11 жеңіс және бір жеңілісті құрайды.
Оди Осборн соңғы рет 2025 жылдың тамыз айында UFC on ESPN 72 турнирінде өнер көрсетіп, Стив Эрцегке төрешілер шешімімен жеңілген болатын. Қазіргі таңда оның көрсеткіші 13 жеңіс, 10 жеңіліс және бір өтпеген жекпе-жек болып тіркелген.
Айбар Рысдаулет
Жәнібек Әлімханұлы дисквалификация аяқталған соң рингке оралуды жоспарлап отыр
Нариман Курбанов спорттық гимнастикадан Әлем кубогы кезеңінің қола жүлдегері атанды