Әліби Ыдырыс: «TUF финалында жанкүйерлерге әсерлі жекпе-жек сыйлағым келеді»
Фото: Zuffa LLC
Қазақстандық жеңіл салмақты ММА шебері Әліби Ыдырыс The Ultimate Fighter жобасына қатысқан сәттері және алдағы финал туралы ойымен бөлісті, деп хабарлайды Pin-UpSport.kz.
17 тамыз күні АҚШ-тың Чикаго қаласында ол UFC-мен келісімшарт үшін америкалық Джозеф Моралеске қарсы октагонға шығады. Бұл жекпе-жек UFC 319 турнирінің басты айқасы Хамзат Чимаев пен Дрикус дю Плесси кездесетін кештің бір бөлігі болмақ.
«TUF-тағы жекпе-жектердің нәтижесін құпия сақтау өте қиын болды. Жанкүйерлеріміз өте белсенді, үнемі сұрақ қойып отырды. Бірақ біз барынша құпияны сақтап, енді финалға дайынбыз», — деді Ыдырыс.
Сондай-ақ ол 40 күн бойы TUF үйінде тұрып, жиі айқас өткізудің оңай болмағанын айтты:
«Финал алдында толыққанды дайындық лагерін өткіздім, өзімді жақсы сезініп жүрмін».
Алдағы жекпе-жек жайында спортшы:
«Шынымды айтсам, мен бұл жерге жай ғана жеңіс үшін келген жоқпын. Мен арман үшін келдім. Жанкүйерлерге TUF-тағыдай шоу көрсетіп, финалда есте қаларлық айқас өткізгім келеді», — деп түйіндеді.
