Әділет Садыбеков: «Маусым оңай болған жоқ, бірақ жанкүйерлердің сенімін ақтадық»
«Қайрат» клубының жартылай қорғаушысы Әділет Садыбеков Pin-UpSport.kz тілшісіне маусым қорытындысы туралы айтып, соңғы матчтағы эмоциясымен және команда ішіндегі атмосферамен бөлісті. Сондай-ақ ол Академия түлектерінің жетістіктегі рөлі мен жастардың басты артықшылығын атап өтті.
– Маусым өте көп эмоцияға толы болды. Жалпы, футболдың қызығы да осында ғой – жеңіс те, қиын сәттер де қатар жүреді. Біз үшін бұл маусым оңай болған жоқ. Бірақ ең бастысы – өз мақсатыңызға жеттіңіздер. Соңғы матчқа қандай мотивациямен шықтыңыздар?
Расында да бұл маусым біз үшін ерекше өтті. Соңғы турға дейін чемпиондық тағдыры шешілмей келді. Сол себепті соңғы ойынға үлкен жауапкершілікпен дайындалдық. Біз не үшін ойнап жүргенімізді жақсы білдік. Өз алаңымызда, өз жанкүйерлеріміздің алдында жеңіспен маусымды аяқтау – біздің басты мақсатымыз болды. Көптеген жанкүйерлер трибунада да, теледидар алдында да бізге сеніп отырды. Сол сенімді ақтау керек болды.
– Бұл жыл «Қайрат» үшін табысты болды. Команда чемпион атанып, Чемпиондар лигасында да өнер көрсетті. Осы жетістікке Академия түлектерінің үлесі қаншалықты болды деп ойлайсыз?
– Бұл маусымда Академиядан шыққан көптеген жас ойыншылар негізгі құрамда дебют жасады. Солардың бәрі өз мүмкіндіктерін жақсы пайдаланды және командаға нақты көмек көрсетті. Академияда тәрбиеленген балалардың еңбегі мен дайындығы осындай сәттерде байқалады. Сондықтан бұл жетістік – тек команда мен бапкерлердің ғана емес, сондай-ақ «Қайрат» Академиясының жүйелі жұмысының жемісі деп ойлаймын.
