Абат Айымбетовке Европа мен Азия клубтарынан ұсыныс түсті
Фото: Anadolu via Getty Images
Қазақстандық шабуылшы Абат Айымбетовтің агенті Траян Гергишан футболшының қазіргі жағдайы мен мансаптағы келесі қадамы туралы айтты, деп хабарлайды Pin-UpSport.kz ASnews.kz сайтына сілтеме жасап.
«Абаттың жағдайы ерекше. Бізге бірнеше ұсыныс түсті, қазір олардың бәрін мұқият қарап жатырмыз. Ең дұрыс шешім қабылдағымыз келеді. Жақында Түркия, Румыния, Иран және Парсы шығанағы елдерінің клубтарымен келіссөздер жүргіздік. Оны мазалап жүрген жеке немесе отбасылық мәселе жоқ — бәрі жақсы. Тек болашағы жайлы нақты шешім қабылдау қалды. Абат бабында», — деді агент.
Айымбетов соңғы рет мамыр айында Түркияның «Адана» клубы сапында алаңға шыққан. Ол маусымда 37 матч өткізіп, 6 гол соқты.
Оған дейін 30 жастағы шабуылшы «Ақтөбе», «Қайрат», «Астана» және Ресейдің «Крылья Советов» клубтарында ойнаған.
