17 жылдан кейінгі жетістік: «Арсенал» әйелдер Лигасын қайта бағындырды
Фото: Getty Images
Португалия астанасы Лиссабонда әйелдер арасындағы Чемпиондар лигасының финалы өтті. Шешуші ойында ағылшынның «Арсенал» және испанның «Барселона» клубтары жолықты.
Тартысты матч 1:0 есебімен лондондық команданың жеңісімен аяқталды. Жеңіс голын 75-минутта швед шабуылшысы Стина Блакстениус соқты.
«Арсенал» әйелдер Лигасында осымен екінші рет топ жарды. Бұған дейін олар 2007 жылы жеңіске жеткен. Қызығы, команда финалда ешқашан ұтылып көрмеген.
Ал «Барселона» әйелдер Чемпиондар лигасының финалына алтыншы мәрте шықты. Каталондық клубтың еншісінде үш жеңіс пен үш жеңіліс бар.
Автор туралы
Айбар Рысдаулет
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
