Италиялық БАҚ: «Қайраттың» Чемпиондар лигасына жолы – нағыз ертегі
Фото: Getty Images
Ilfattoquotidiano.it басылымы Миландағы «Интерге» қарсы ойынды күтіп отырған алматылық «Қайратқа» мақала арнады, деп хабарлайды Pin-UpSport.kz.
Журналистер «Қайраттың» Еуропаның басты клубтық турниріне жолын «ертегі» немесе «қайсарлықтың сынағы» деп атады. Өйткені клуб атауының өзі қазақ тілінде «қайрат», яғни батылдық дегенді білдіреді. Бұл жолы алматылықтар «Олимпияны», КуПС-ты, «Слованды» және «Селтикті» артта қалдырып, Лигаға жолдама алды. Шешуші сәттің қаһарманы – 21 жастағы қақпашы Темірлан Анарбеков, ол пенальти сериясында үш соққыны қайтарып, команданы алға сүйреді.
Материалда 17 жастағы шабуылшы Дастан Сатпаевқа ерекше назар аударылды. Оны «Челси» 2026 жылдан бастап өз қатарына қосуға келісімшарт жасап қойған. Сондай-ақ Жоржиньо, Әділет Садыбеков және капитан Андрей Мартынович сынды ойыншылардың еңбегі атап өтілді.
Авторлар «Қайраттың» 1954 жылы құрылғанын, «Халық командасы» деген атауға ие екенін еске салады. Тәуелсіздік жылдары клуб төрт рет ел чемпионы атанып, он мәрте Кубок пен үш Суперкубок жеңіп алған. Әлемдік деңгейдегі жұлдыздар Вагнер Лав пен Андрей Аршавин де осы ұжымның сапында ойнады. Енді «Қайрат» Еуропаның үздіктерімен бірге бақ сынамақ.
