Рыбакина US Open-нің үшінші айналымына өтті
Фото: Getty Images
Қазақстанның бірінші ракеткасы Елена Рыбакина (WTA рейтингінде №10) АҚШ ашық чемпионатындағы жеңісті жолын жалғастырды, деп хабарлайды Pin-UpSport.kz.
Екінші айналымда ол чехиялық Тереза Валентовамен кездесіп, екі сетте жеңіске жетті – 6:3, 7:6(7). Әсіресе, екінші сетте Елена табандылық танытты: 0:2 есебінен 2:2-ге жеткізді, кейін 2:5 есебімен қалып қойғанымен, таразы басын теңестіріп, тай-брейкте жеңісті жұлып әкетті.
Ойын бір сағат 40 минутқа созылды. Рыбакина төрт эйс орындап, екі қос қателік жіберді және жеті брейк-пойнттың төртеуін сәтті пайдаланды.
Үшінші айналымда Елена Ұлыбритания өкілі Эмма Радуканумен күш сынасады. Айта кетейік, алғашқы матчында ол америкалық Джульетта Пареханы 6:3, 6:0 есебімен ұтқан болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
