«Қайрат» Чемпиондар лигасында қайда ойнайды
Фото: Getty Images
Алматылық «Қайрат» қыркүйекте Чемпиондар лигасының топтық кезеңінде алғаш рет бақ сынайды. Ең басты сұрақ – команданың өз алаңындағы ойындары қайда өтетіні, деп хабарлайды Pin-UpSport.kz.
УЕФА ережесіне сәйкес, клуб бір ғана стадионды тіркей алады және плей-офф кезеңі біткенше оны өзгертуге құқығы жоқ. Осыған байланысты «Қайрат» өз ойындарын Алматыдағы Орталық стадионда өткізеді. Бұл арена УЕФА-ның төртінші санатына ие, яғни жартылай финалға дейінгі ойындарды қабылдауға мүмкіндік береді. Ал матчтарды басқа қалаға көшіру тек төтенше жағдайларда УЕФА шешімімен жүзеге асады.
Бас бапкер Рафаэль Уразбахтин «Астана Аренада» ойнау туралы қауесеттерді жоққа шығарып, команда тек Алматыда жанкүйерлер үшін өнер көрсететінін айтты. Ал 28 тамызда Монакода өтетін жеребеде «Қайрат» өз қарсыластарын анықтайды.
Топтық кезең ойындары қыркүйектен қаңтарға дейін жалғасады. Бірінші тур 16–18 қыркүйекте өтсе, соңғысы 28 қаңтарда ойналады. Сәтті өнер көрсеткен жағдайда алматылық клуб Чемпиондар лигасының плей-офф кезеңіне жолдама алады.
