«Қайрат» Чемпиондар лигасына шыға салысымен ерекше рекорд орнатты
Фото: Getty Images
Алматының «Қайрат» командасы плей-офф кезеңінде «Селтикті» жолдан тайдырып, Чемпиондар лигасының топтық кезеңіне шықты, деп хабарлайды Pin-UpSport.kz. Шешуші сәт өз алаңындағы пенальти сериясында анықталды.
Бұл жетістік арқылы алматылық клуб Чемпиондар лигасы тарихындағы ең шығыста орналасқан қатысушы атанды. Бұған дейін мұндай мәртебе 2015 жылы турнирдің топтық кезеңінде ойнаған «Астанаға» тиесілі еді, бірақ сол жылы елордалық клуб плей-оффқа шыға алмаған болатын.
Глазгода өткен алғашқы кездесу тең аяқталды (0:0). Алматыдағы қарымта матчта да есеп ашылмады. Пенальти сериясында «Қайраттың» тәрбиеленушісі Темірлан Анарбеков үш соққыны қайтарып, тарихи жеңістің басты кейіпкеріне айналды. Осылайша алматылық ұжым алғаш рет Чемпиондар лигасының негізгі кезеңінде бақ сынайды, ал «Селтик» енді Еуропа лигасында жалғастырады.
