«Реал» «Кристал Пэлас» ойыншысына көз тікті
Фото: Spurs Web
Ла Лигадағы маусымды «Осасунаға» қарсы бастауға дайындалып жатқан мадридтік «Реал» жас ағылшын жартылай қорғаушысы Адам Уортонға қызығушылық білдіруде, деп хабарлайды Pin-UpSport.kz.
Defensa Central дерегінше, 21 жастағы футболшы өткен маусымда Англиядағы ең көп талқыланған жас ойыншылардың бірі болды. «Реал» скауттары оның ойынын біраз уақыттан бері бақылап, қабілетін жоғары бағалаған. Дегенмен, трансфер тек Родриго Гоэс немесе Дани Себальос клубтан кеткен жағдайда ғана мүмкін болмақ. Сол кезде Уортон негізгі үміткерлердің қатарына қосылуы ықтимал.
Адам Уортон — «Блэкберн Роверс» академиясының түлегі. 2024 жылы ол «Кристал Пэлас» сапына ауысты. Өткен маусымда 27 ойын өткізіп, екі нәтижелі пас берген. Transfermarkt дерегінше, оның нарықтық құны 45 миллион еуроны құрайды.
