Рыбакина Костюкпен болатын матч алдындағы жоспарын бөлісті
Фото: Getty Images
Канаданың Монреаль қаласында өтіп жатқан WTA 1000 турнирінің ширек финалында Елена Рыбакина украиналық Марта Костюкпен кездеседі. Осыған орай ол алдағы ойынға қатысты пікір білдірді, деп хабарлайды Pin-UpSport.kz.
Пресс-конференция барысында қазақстандық теннисші бұған дейін Костюкпен бірнеше мәрте кездескенін және бұл матчтардың әрдайым тартысты өткенін атап өтті. Оның айтуынша, матч тағдырын көбіне өз ойыны шешеді.
«Біз Мартамен бірнеше рет кездескенбіз, және әр жекпе-жек оңай болған жоқ. Ол өте төзімді, физикалық тұрғыда мықты спортшы. Сондықтан бар күшімді салып, өз ойынымды көрсетуге тырысамын. Соның нәтижесін күтемін», — деді Рыбакина.
Бұл кездесу Елена үшін турнирдің жартылай финалына жол ашатын маңызды сынақ болмақ.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
