Рыбакина Монреаль турнирінің ширек финалына шықты
Фото: КТФ
Елена Рыбакина Канадада өтіп жатқан WTA 1000 сериясындағы жарыстың төртінші кезеңінде украиналық Даяна Ястремскаяны жеңіп, ширек финалға жолдама алды, деп хабарлайды Pin-UpSport.kz.
Қазақстанның бірінші ракеткасы алғашқы сетте жеңілсе де, кейінгі бөліктерде басымдық танытып, 5:7, 6:2, 7:5 есебімен матчты өз пайдасына аяқтады. Кездесу 2 сағат 33 минутқа созылды. Елена жеті эйс жасап, тоғыз қос қателікке жол берді және тоғыз брейк-пойнттың бесеуін сәтті пайдаланды.
Ойыннан кейін Рыбакина: «Бұл мен үшін өте маңызды жеңіс. Даяна жақсы ойнады, оңай болған жоқ. Бірақ мен қуаныштымын. Келесі матчты асыға күтіп жүрмін», — деді.
Ширек финалда Елена украиналық тағы бір теннисші Марта Костюкпен кездеседі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
