«Қайрат» Чемпиондар лигасында тарихи нәтижеге жетті
Фото: ФК Кайрат
Алматылық «Қайрат» алғаш рет Чемпиондар лигасының үшінші іріктеу кезеңіне жолдама алды, деп хабарлайды Pin-UpSport.kz.
Жаңа еуромаусымда қазақстандық клуб алдымен Словенияның «Олимпиясынан» екі матч қорытындысы бойынша 3:1 есебімен басым түсті. Ал екінші кезеңде Финляндияның КуПС командасына қарсы керемет камбэк жасап, 3:2 нәтижесімен келесі айналымға өтті.
Бұған дейін «Қайраттың» бұл турнирдегі үздік нәтижесі екінші кезеңмен шектелген. Мұндай жетістік 2021/22 жылғы маусымда да тіркеліп, ол кезде клуб сербиялық «Црвена Звездадан» 2:6 есебімен ұтылған еді.
Енді КуПС-ты жеңу арқылы алматылықтар өзіне еурокубоктардың топтық кезеңінен орын кепілдеп қойды — бұл Чемпиондар лигасы, Еуропа лигасы немесе Конференциялар лигасы болуы мүмкін.
