Өзбекстан бапкері Қазақстанмен жолдастық матч жайлы айтты
Фото: КФФ
Өзбекстан ұлттық құрамасының бас бапкері Тимур Кападзе алдағы жолдастық матчтар мен Қазақстанмен кездесу туралы пікірін білдірді, деп хабарлайды Pin-UpSport.kz.
Маманның айтуынша, қыркүйектегі жоспар бекітілген, ал қазан мен қараша айларындағы кездесулер әлі нақтыланбаған. Сонымен қатар Қытайда өтетін турнирге Аргентина мен Уругвай қатысуы мүмкін екенін растады.
Қазақстан құрамасымен жолдастық матч жайлы сұраққа Кападзе: «Бәлкім, бұл олардың жоспарында бар шығар. Бізге федерациядан нақты мәлімет түскен жоқ», – деп жауап берді.
Ол сондай-ақ, тамыз айында өтетін CAFA турнирінде құрама сапына үміткер жаңа футболшыларға мүмкіндік берілетінін атап өтті.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
