Әли Әлиев дауына қатысты сот жаңа шешім шығарды
Фото: kff.kz
Петропавлда «Қызылжар» клубының бұрынғы бас бапкері Әли Әлиев пен қазіргі басшылық арасындағы сот ісі жалғасып жатыр. Қазір ұлттық құраманы жаттықтырып жүрген маман клубтан 201 миллион теңге көлемінде сыйақы мен жалақы қарызын өтеуді талап етіп отыр, деп хабарлайды Pin-UpSport.kz.
Orda.kz мәліметінше, бұған дейінгі келісімшарт бойынша Алиев айына 1 миллион теңге алуы тиіс болған, алайда оған заңсыз түрде 10 миллион төленген. Азаматтық сот бұл құжатты жарамсыз деп танып, қайта есептеуді міндеттеген.
Бұған жауап ретінде жаттықтырушы КФФ жанындағы дау шешу палатасына шағым түсіріп, 120 миллион теңге көлемінде өтемақы мен 40 миллион теңге жалақы, сондай-ақ турнирлік нәтижелер үшін жалпы 31 миллион теңге сыйақы талап еткен.
25 шілде күні Петропавлдың азаматтық соты «Қызыл-Жар СК» ЖШС-нің талабын қанағаттандырып, 2022–2023 жылдарға қатысты екі қосымша келісімді жарамсыз деп шешті. Сонымен қатар, Алиев клубқа 1 миллион теңге заңгерлік шығын ретінде өтеуге міндеттелді. Бұл шешім әлі заңды күшіне енген жоқ.
