Бахтиёр Зайнутдинов «Динамоға» ауысады: трансфер құны анықталды
Бактиер Зайнутдинов. Фото: UEFA via Getty Images
Қазақстан құрамасының жартылай қорғаушысы Бахтиёр Зайнутдинов жақын күндері Мәскеудің «Динамо» клубымен келісімшартқа отырады, деп хабарлайды Pin-UpSport.kz.
«РБ Спорттың» мәліметінше, футболшы медициналық тексерістен сәтті өтіп, келісім алдағы екі күнде ресми түрде рәсімделмек. «Бешикташтан» ауысу құны бонуспен бірге 3 миллион еуроны құрамақ. Жаңа келісім 2029 жылдың жазы аяқталғанға дейін күшінде болады.
Зайнутдинов бұған дейін Ресей чемпионатында өнер көрсеткен: ол «Ростов» пен ЦСКА клубтарының намысын қорғап, барлығы 118 матч өткізген. Өткен маусымда Түркияда жарақатына байланысты небәрі тоғыз кездесуге ғана қатыса алды.
«Динамо» үшін бұл трансфер жазғы трансферлік науқандағы басты күшейтулердің бірі болмақ. Клуб басшылығы оның ортаңғы шепті нығайтып, жаңа маусымдағы міндеттерді орындауға көмектесетініне сенімді. Ресми хабарлама таяу уақытта жарияланады.
