Александр Бублик Кицбюэль турнирінің жеңімпазы атанды
Фото: Getty Images
Әлемнің 30-ракеткасы Александр Бублик Австрияда өткен ATP 250 санатындағы Кицбюэль турнирінде топ жарды, деп хабарлайды Pin-UpSport.kz.
Финалда қазақстандық теннисші Франция өкілі Артур Казоны 6:4, 6:3 есебімен ұтты. Бұл Бублик үшін қатарынан екінші ATP 250 турниріндегі чемпиондық атақ. Ол «Ролан Гаррос» турнирінен кейінгі маусымда тек бір рет жеңіліп, қалған 12 кездесуде жеңіске жетті.
2025 жылғы бұл — Александрдың үшінші титулы. Жалпы, ол кәсіби мансабында жеті мәрте ATP турнирлерінің жеңімпазы атанды. Бұған дейін Монпелье, Галле, Антверпен және Гштаад жарыстарында топ жарған болатын.
Бұл жетістігі арқылы Бублик ATP жаңартылған рейтингінде 25-орынға қайта оралды. Енді ол хард корттағы маусымға дайындалып, US Open турниріне жол тартады.
