Де Хеа Роналдуды ерекше дарын иесі деп атады
Криштиану Роналду Фото: GI
«Фиорентина» қақпашысы Давид де Хеа қазіргі таңда Сауд Арабиясының «Аль-Наср» клубында ойнайтын Криштиану Роналду жайлы пікір білдірді, деп хабарлайды Pin-UpSport.kz.
Оның айтуынша, Роналду – ерекше дарын иесі. «Ол – нағыз жыртқыш. 40 жасқа таяп қалса да, әлі күнге дейін гол соғып, жүлделерді жеңіп жүр. Өзін күтуі – керемет үлгі. Мұндай спортшылар тарихта бір-екі ғана кездесуі мүмкін», – деді Де Хеа Cronache di spogliatoio басылымына берген сұхбатында.
Қақпашы сондай-ақ кез келген футболшы бір-екі жыл жарқ ете алатынын, бірақ Роналду сияқты 20 жыл жоғары деңгейде ойнау – кез келгеннің қолынан келмейтін іс екенін атап өтті.
Айта кетейік, Криштиану Роналду өз мансабында «Спортинг», «Манчестер Юнайтед», «Реал», «Ювентус» секілді алпауыт клубтарда ойнаған. Қазір ол «Аль-Наср» сапында өнер көрсетіп жүр.
